Etwining
Е-твининг проект Atmiyorum Hayata Katiyorum Projesi
Е-твининг проектот со тема за рециклирање наречен „Не го фрлам, туку го додавам во животот“ го спроведуват наставничката на нашето училиште Мерита Трајкова од 1 б одделение. Нашиот проект се реализира во соработка со 9 странски партнери од Италија, Романија, Грција, Јордан, Либан, Азербејџан и 10 локални партнери од Турција. Во нашиот проект, нашите студенти ќе откријат нови области на употреба на отпадот и неискористените материјали во нивната околина и ќе создаваат нови производи со комбинирање на нивните креативни идеи со нивните рачни вештини. Покрај тоа, тие ќе развијат еколошка свест и ќе го интернализираат концептот за почитување на природата. Покрај тоа, во текот на овој забавен процес, тие ќе научат да користат различни WEB2 алатки и да преземаат активна улога во многу дигитални настани.
e Twining проект "Fairy Tales from the Past To the Present"
Нашиот е-твининг проект,, Fairy Tales from the Past To the Present,, е завршен
Нашиот е-Твининг проект наречен „Бајки од минатото до денес“, спроведен од наставничките Мерита Трајкова и Тинка Палиниќ при ООУ,,Димче А.Габерот,, е завршен со партнерство од други наставници од Турција, Романија и Литванија, се состои од 15 партнери. Како резултат на проектот, се појави забавен проект во кој се раскажуваа бајки, се илустрираа бајките и се создаваа нови бајки. Учениците имаат културна свест, нивните комуникациски вештини се зголемени, а вештините за соработка се подобрија. Дополнително, нивниот интерес за учење странски јазици значително се зголеми. Тоа беше поучен проект во кој наставниците и учениците се здобија со нови информации. И наставниците и учениците со нетрпение очекуваат да учествуваат во уште еден еТвининг проект. Во проектот беа користени многу веб 2.0 алатки.
Chaterpix
Linoit
Kahoot
Artsteps
AndreaMosaic
Youtube
Canva
Google form
e Twining проект- My Animal Dictionary
Во ООУ ”Димче А.Габерот”, работата на проектот започна со нашите наставници Мерита Трајкова, Тинка Палиниќ, Валентина Тодорова и наставници од различни училишта. Иако во нашиот проект има 19 наставници, покрај наставниците од Република Северна Македонија има колеги од различни земји, вклучувајќи ги Турција, Грција, Полска и Бугарија.
Нашиот проект наречен MyAnimalDictionary има за цел да им помогне на децата од основно училиште да научат за животните, поблиску да ги запознаат животните и нивните живеалишта и да го претворат ова во речник. Во рамките на овој проект, нашите наставници со ова им овозможуваат на студентите да препознаат различни животински видови, да спроведуваат различни истражувачки и студиски структури поврзани со речникот и ги водат во процесот.
Нашите наставници продолжуваат да го спроведуваат нашиот проект во согласност со сите овие цели.
e Twining проект- Fruit World
Во ООУ "Димче А. Габерот", нашите наставници од прво и второ одделение Мерита Трајкова и Тинка Палиниќ започнаа еТвининг проект наречен „Свет на овошје“, со учество на нашите наставници Мустафа Кара, Озге Кара и Румејса Демирел од Република Турција, и нивните ученици од второ одделение.
Нашиот проект наречен FruitWorld е проект кој има за цел да им помогне на децата на возраст од 6-8 години да научат за овошјето, да ја развијат својата креативност преку уметнички активности на тема овошје и да поттикнат здрави навики во исхраната. Во рамките на овој проект, нашите наставници планираат учениците да препознаат различни видови овошја, да прават изработки на тема овошје и да пишуваат песни и приказни. Дополнително, додека нашите студенти учат за процесите на раст на овошјето, тие исто така ќе стекнат еколошка свест. Овој проект ќе ги зголеми знаењата и вештините на учениците, истовремено обезбедувајќи им можности за социјална интеракција и соработка.
Нашите наставници продолжуваат да го спроведуваат нашиот проект во согласност со сите овие цели.
На ден 07.03.2018 г. (среда) нашето училиште беше домаќин на учесниците во "Трката за мир", кои попладнето пристигнаа во општина Демир Капија. Дел од нашите ученици зедоа учество во трката и носејќи го факелот на мирот трчаа заедно со останатите учесници во оваа интернационална трка. Потоа во училишниот хол беше одржана пригодна манифестација во чест на основоположникот на трката, Шри Чинмој, која беше збогатена и со уметничка изложба, читање на поезија, а учество зеде и хорот на училиштето.
Претставниците на здружението Peace Race и го врачија факелот на мирот на директорката на училиштето и заеднички ги пренесоа пораките за хармонија, спокој и мир на целиот свет. Потоа факелот и беше предаден на претседателката на Советот на општина Демир Капија, која исто така ги сподели своите желби и пораки за мир.
Градиме Мостови
На ден 12.02.2018 година (понеделник) во спортската сала на нашето училиште се одржа културна манифестација за меѓуетничка соработка „ГРАДИМЕ МОСТОВИ", во соработка со турскиот културен центар „Јунус Емре", а во рамките на програмата Турски народни приказни.
На овој македонско-турски културен перформанс со неколку точки на турски и македонски јазик се претставија ученици од македонска и турска националност, кои учат во централното и подрачните училишта.
Потоа следуваше час по турски приказни посветени на ликовите Насредин Оџа и Ќелоган. Приказните беа презентирани на турски и на македонски јазик од страна на актерката Благица Трпковска и педагогот Асли Гедизли, а во нивната драматизација беа вклучени и дел од присутните ученици.
На крајот од манифестацијата на учениците им беа поделени пригодни подароци и книги со турски приказни.
• Детска недела 2017
Во рамките на Детската недела во нашето училиште се спроведоа низа активности во кои активно учество имаа учениците од одделенска настава, кои заедно со своите наставници твореа на теми за детето и неговите права, играа игри и цртаа со креда во училишниот двор. Се одржа и културно уметничка програма во чии рамки беше прочитано детското ветување за прием на првачињата од централното и подрачните училишта во Светската Детска Организација и им беа доделени детски пасоши и беџови.
• Европски денови на културно наследство
Во организација на Дом на културата "Мирка Гинова" и Музејот во Демир Капија нашите најмали - првачињата заедно со дечињата од Детската градинка "Борис Трајковски" учествуваа на Ликовната работилница " Природата во Демир Капија - водата дар од природата", на која преку ликовни творби ги изразуваа своите идеи и фантазии.
• Училишен натпревар во рецитирање
Во нашето училиште се одржа натпревар по рецитирање на кој право на учество имаа учениците од VI до IX одделение, предводени од своите наставнички и ментори по македонски јазик Александра Јованова и Билјана Симитчиева. Со рецитирање на песната "Мојата ненапишана песна" од Глигор Поповски, учениците ги покажаа своите извонредни вештини за рецитирање, а двајца ученици : Олгица Мелова VIII a одд. и Илија Колев - IX а oдд. се пласираа на вториот дел од натпреварот за рецитирање кој ќе се оджи во Скопје, организиран од страна на СДМЈЛ (Сојуз на друштвото за македонски јазик и литература на Р.М).
• Истражи ја Демир Капија
Учениците од деветтите одделенија заедно со наставниците реализираа планинарска прошетка до прекрасната демиркаписка пештера, пештерата ,,Долен Змеовец” и имаа можност да ја разгледаат внатрешноста на пештерата, и да уживаат во природните уникатни пештерски украси: драперии, сталагмити и сталактити. Исто така учениците од шестите одделенија во рамките на вон наставни активности реализираа прошетка до селото Клисура. Тие имаа можност да се запознаат со природните убавини што се наоѓаат покрај патот кој што од Демир Капија води за селото Клисура. Одблиску го видоа прекрасниот карпест влез на Демиркаписката клисура, влезот на една од најдолгите пештери во Македонија пештерата ,,Бела вода” како и ,,Долината на кактусите” во с.Клисура.
• Проект Пополни ги празнините - тема Родова рамноправност
Нашето училиште беше активно вклучено во одбележувањето на месецот на родовата рамноправност кој се одбележува во рамките на проектот „Потполни ги празнините“ , а истиот го реализира организацијата на жени „Женско Лоби“ од Демир Капија. Под мотото „Стоп за родова дискриминација“ учениците истражуваа, твореа и пишуваа прозни творби и пораки за рамноправност помеѓу мажите и жените. За учениците од деветто одделение беше одржана едукативна работилница на тема „Родовата рамноправност во локалната заедница“ и им беше поделен едукативен материјал на наведената тема. Исто така беше распишан и ликовен конкурс на темата родова рамноправност на кој со свои ликовни творби учествуваа голем број на ученици, а најдобрите беа наградени со пригодни награди
